依家係時代廣場都可以感受到迪士尼氣氛？其實係今日開始佢地開設左「香港迪士尼樂園美食禮品廊」，入面有好多迪士尼禮品同埋精緻美食，咁就緊係要同小小豬嚟行一轉，止一止迪士尼癮先啦！
星期日就係母親節，所以小小豬仲話幫我係咁多精品入面揀份禮物，其實樣樣咁靚唔知揀咩好。Tsum Tsum 毛公仔花束絕對係心心眼之選，我有玩開嘅nuiMOs又出左好多靘靘新衫同配件，一系列北歐風設計嘅迪士尼主題餐具又好啱我煲湯影相用，仲有15周年限定公仔，pooh pooh、史迪仔精品…..最後，小小豬就揀兩件親子Tee同一隻保溫杯，佢仲話：MaMi，我知你最鐘意就係同我一齊著親子裝，就等我地一人一件，你就係最開心。仲有呀…我知你晚晚都開要用電腦，咁有個保溫杯就可以邊做嘢邊飲多啲水啦！(依個仔越大越識氹我…好事嚟嘅…哈哈哈)
當然，另一個亮點就係一系列迪士尼主題美食，當中有全新「皇室佳釀美食節」特選輕便迷你份量的得獎菜式同埋分子料理甜品，最吸引就係迪士尼主題甜品，款款都勁吸睛，小小豬仲專登揀左個薯蛋頭爸爸俾Daddy添。
另外都有「家倍滋味」真空美食包，但我就對「晶荷軒」及「雲龍軒」嘅自家調製醬料更加興趣，佢地有X.O.辣椒醬、香辣銀魚醬同埋古法荔枝醬。難得有機會試到酒店嘅調製醬，原本都想買晒三款嚟進修下我啲BB班廚藝，不過小小豬唔食得辣關係，所以最後我都係入手左古法荔枝醬，職員姐姐仲教我用少少嚟炒肉就已經好正，等我聽日又試下先。
「香港迪士尼樂園美食禮品廊」係時代廣場CitySuper門口附近，由今日開始至到7月4日，各位朋友仔記得要去行返轉呀~
Special Thanks
香港迪士尼樂園 | Hong Kong Disneyland
#香港迪士尼樂園 #HKDisneyland #15MagicalDreams #MomentsofHappiness #DisneyMomentsHK
Search